El viaji inaugural, de Gerald Durrell (1)

Gerald Durrell y la su familia -la su madri y los sus jermanos Margo, Larry y Leslie-, de vacances en Venecia, cuegin un barcu griegu, eno que cudan sedrá un ajayaizu tránsitu polas islas griegas. Trés estar jechos un coloñu por aprender qu`el barcu no es nuéu -suponíase un viaji inaugural- y que tién una joraca ena proba que jaz qu`esté entornáu, y entoñecíu, la familia Durrell -hiciendo usu del genial británicu- decidin subir al barcu y encetar el viaji.

-Margo está pieslláa nel sirviciu`l barcu y no es p`abrir...-

"-No, es Margo -marmió Madri- Jué al ya-sabis-qué y tién la rendijera atrolláa.
-¿El "ya-sabis-qué"? ¿Ú está esu?
-El sirviciu, caru qué. Sabis perfeutamenti bien lo que quiero dicir.
-No sé qué asperas que jaga -dijo Larry-. No soi plomberu.
-¿No es pa salir por riba? -benifestó Leslie.
-No -dijo Madri-. Intentolo, peru la rendijera d`arriba es chica por demás, y la d`abaju tamién.
-Polo menos hai rendijeras -siñaló Larry-. Singún la mi desperencia, atanguase airi nun sirviciu, y sedríamos p`alimentala al treviés d`ella duranti`l viaji.
-No seas tochu, Larry -dijo Madri- Tienis de jacer angu.
-Intenta meter otra moneda pola rendijera -sogirió Leslie- Alicuandu junciona.
-Ya lo hici -dijo Madri- Mití una lira, peru sigui ensín abrise.
-Esu es porque es un sirviciu griegu y sólu aceta dracmas -siñaló Larry- ¿Por qué no lo intentesti con un billeti d`una libra? El cambéu mos favorez.
-Güenu, quiero que consigas una camarera p`audala a anajar. Va siglos qu`está allá mitía. No puéi pasase pieslláa tola nuechi. Suponi que máncase`l codu y cai ensín sen. Sabis que siempri jaz esu.
Madri suel ver el láu negru las cosas.
-Singún la mi desperencia enos sirvicios griegos -dijo Larry acorde-, lo mas normal es que dervaiga namás entri, ensín mancase`l codu.
-¡Güenu, haci angu, pol amor de Dios! -grijó Madri-. No estés áhi aparáu pimplando.
Guiáos por ella alcontremos finalmenti`l sirviciu dichosu. Alantándose con seguranza, Leslie esmengó la puerta.
-Yo aperrilláa. Yo enguelesa -grijó Margo dendi detar de la puerta-, alcuentri camarera.
-Ya lo sé, torda. Soi yo, Leslie -mal retrucó-.
-Sali inmeyatamenti. Es el sirviciu de siñoras -dijo Margo-.
-¿Quiés auda u no? ¡Entós calla! -retrucó Leslie de móu agresivu-.
Jorricó estielmenti la puerta. Echando juratos.

-Prestariame que no dijeras pecáos, quisíu -rutó Madri-. Alcánzate qu`estás nel sirviciu de siñoras.

-Dientru tindría de ber una manilla de la que sedrías pa jalar -dijo Leslie-. Una clas de piesllu.

-Ya jalé de tóo -retrucó Margo con endinación-. ¿Qué creis qu`estuvi hiciendo aquí mitía duranti la última hora?

-Güenu, jala otra vegáa mientris yo emburro -sogirió Leslie.

-Dacuerdu, estoi jalando -dijo Margo-.

Leslie abarcó los sus robráos hombralis y lanzose escontra la puerta.

-Es comu un serial de Pearl White -dijo Larry, suerbiendo l`ouzo qu`alvertiamenti trijo consigu- Si no andas con cuidu tindremos otru joracu nel barcu.

-Es estiel -anjeó Leslie-. Está durísimu. Tindremos d`apeldar a un camareru u al quien sea.

Marchó a buscu de daque presona con conocencias mecánicas.

-Prestariame que vos entainéis -dijo Margo con voz pujitosa-. Estar aquí dientru es terriblementi auyanti.

-No te dervaigas -grijó Madri, alarmáa-. Intenta caltener l`aliendu.

-Y no te manquis los codos -añidió Larry-.

-Váe, Larry, ponisme de mal café -dijo Madri-. ¿Es que no sabis ser acorde?

-Güenu ¿Quiés que vaiga p`apurrile un ouzo caldu? Se lo apasariemos por baju la puerta -sogirió parcialmenti-.

Salvole de la ira de Madri l`allegáa de Leslie, que trijía detar un hombrucu inritáu con visual de mondregote y cara josca.

-Siempri las siñoras están hiciendo estu -dijo a Madri, abarcando unos hombralis despresivos-. Siempri quedan aperrilláas. Depréndolos. Es cincíu. ¿Por qué las mujeris no deprendin?

Averose a la puerta, jorricola un momentu y abriola`n parracil.

-Gracias a Dios -dijo Madri cuandu Margo pareció nel llentel-.

Peru enantis de que juera pa tornar al asubiu la su familia, l`hombrucu erció una manu urgenti.

-¡Quietos! -ordinó manducón- Voi a deprendela.

Y enantis con enantis de que sedríemos pa jacer angu inteligenti, metió nueamenti a Margo nel sirviciu d`un emburrón y pieslló la puerta trés de sí de súpitu.

-¿Qué jaz? -grijó Madri, alarmáa- ¿Qué jaz esi hombrucu? Larry, haci angu.

-No pasa náa, Madri -grijó Margo- está amostrándome a jacelo.

-¿A jacer qué? -entrugó Madri con alarma-.

Hebo un largu soniche, a la final ibráu por un garlu de juratos en griegu.

-Margo, sali d`áhi inmeyatamenti -ordinó Madri, nitiamenti alarmáa-.

-No soi pa -pujiteó Margo- Mos pieslló a ambos.

-Qué hombri mas ungosu -grijó Madri, cuegiendo`l mandu-. Pégalu, quisía, canealu. Larry, veti y escarcea al capitán."

Cuntinará...