Sueñu causáu pol vuelu d`una mosca la miel alredor d`una granáa un sigundu enantis de despertar

Dalí jué un de los mas grandis. No tién méritu dicir estu, pos es sobresabíu enantis con enantis de la su muerti.

Dalí no es trampujeru, ne tan desiquiera tol su surrealismu es un guarismu pa nos, creo qué.

Pongo esti cuadru, que no es el mi preferíu, porque amuestra un laderu pocu currutu. El contrasti de luz y sembra ena escafa de las feguras, carauterística talmenti daliniana.

La zona`l brazu y codu escarduñu está arrodeáa por una luminosidá, y la zona la camba escarduña sembriega, tién claridá ena piel, justu al pintís d`ella. La llastra d`abaju tamién y la rudía drecha, son güenos ejemplos.

Estu es 100% Dalí.