L`inombri de la rosa

El monesteriu ulsóse por tres días y tres nuechis, y de náa valierin los últimos esjuerzos. Ya ena mañana del siétimu día de la nuestra estancia n`aquel sitiu, cuandu los sobrevivientis diérinse cuenta de que no sedrían pa salvar dengún edificiu, cuandu s`estorregarin las parés internas de las costrucionis mas guapas, y la ilesia, comu atotogándose a si mesma, mangulló la su torre, n`aquel momentu flojeó en tol mundu l`aler d`alucha escontra`l castigu divinu. Arralárinse las carreras a buscu de los pocos calderos d`augua que quedaban, enanque siguía alampándose con ritmu pulseáu la sala capitular amás de los descelentis cuartos del Abade. Cuandu`l juéu allegó al jondu de los talleris, ya hicía muchu que los criáos bían pasáu tratando de salvar los mas posiblis de los haberíos, y agora escarceaban pola cotera p`acurriar polo menos a una parti de los alimalis, que nel labarientu de la nuechi ajuyerin de las cortes.

Vi que daque sobrevivientis usaban d`entrar eno que quedaba de la ilesia: camienté qu`intentaban entar ena cripta`l tresoru pa consiguir daque ojetu preciosu enantis d`escapar. No sé si juerin pa logralo, si la cripta no s`ajundió, si los lladres no s`ajundierin enas resquiezas de la tierra intentando allegar jasta ella.

Enanque, vinían hombris del pueblu, que subierin p`audar, u pa tratar d`apañar tamién ellos daque botín. Los mas de los muertos quedarin enti los casaris entá albos. Al tercer día, curiáos los mancaos, enterraos los caláveres que quedarin juera de los edificios, los monjis y los demás poblaoris del monesteriu apañarin los sus haberíos y marcharin del llan, qu`entá ajumaba, al simen d`un lugar maldáu. No sé cancia óndi ajuyerin.

L`inombri de la rosa

Umberto Eco

Filtru d`amor

Cosas a esgaya acontecierin enantis nel mundu. Peru es comu si enjamás bieran socedíu. Cáa cosa que li acontez a una presona es la primer cosa. Ser el jíu d`un padri comu ésti. Esa nuechi sentí una despansión, comu si`l mundu echara quimas y armuellos y medrara tan luegu que la vista no sedría p`aprecialo. Sentí la chicura, comu si la tierra se cuarterase y siguiera cuarterándose. Sentí las estrellas. Sentí que s`aposaban nel mi hombral cona su manu. La luna surdió calda y coloráa. Dímomos un abrazu pretu y viril cuandu alleguemos a la linte. Tragósela una ringlera d`árbulis a petu`l vientu. Yo no quisía que vieran las mis lucis, en toa manera que trespusi quilómetros y quilómetros, despaciu, so la segle y clara luz de la luna, sintiendo la parcial escuridá detar y alanti.

No encesé los faros jasta qu`allegué al caminu rial. Cuasi al albiar allegué jasta la puente del ríu-linte. Ya diba averándome a la casa, en toa manera que galgué`l cochi ena metá de la puente, najé pa espurrime y por daque razón acancéme que los viejos solían ofrendar tabacu al augua. Poináu nel petril, miré abaju.

Es un ríu lóndrigu, rápidu, esgonzosu. El calci es jondu y estrechu. Acancéme de June. L`augua borreaba u arrodiaba alredor de los cochis ajundíos. Qué pocu m`acanzaba. Si es casu que tendría sen, ella era parti de la solidez qu`emburriaba la currienti. Asigúrote que jue mui güenu lo qu`hezo ella por mí, agora lo sé. El jíu qu`irreconoció sofrió mas que Lipsha Morrissey. L`alcordanza de June pretábame`l corazón, peru jue una frutuna que me pusiese enas manos de Güela Kashpaw.

Tovía tinía nel mi bolsu`l pañuelu de Güela. Surdió`l sol. Bía sintíu dicir qu`esi ríu era la final d`un antigu océanu, de quilómetros de calu, qu`anagó las dos Dakotas va mucha tiempu, desdando tolos nuestros tribilorios. Era fácil maginar que tóos nos estábamos so los sus razonablis garranchos, peru la verdá es que vivimos ena tierra ensuchu. Entré nel cochi. La mañanaa era clara. El caminu era güenu. En toa manera, no tinía otra cosa de jacer que cruciar el ríu y apurrila a casa.

Louise Erdrich

Filtru d`amor

Tusquets edit. 1987

La muerti d`Iván Ilich

Escarceaba, ensín ser p`alcontralo, el su anterior y cutianu miéu a la muerti. "¿Ú está? ¿qué muerti? No sintía murria pos no bía muerti.

Ental de la muerti bía luz.
¡Agora lo entiendo! -dijo de súpitu, con voz alta-. ¡Vae alegría!

Tóo estu socedió pa él nuna alendáa, y la sinificación del estanti no allegó a cambear. Pa los presentis l`agonía uyó dos horas tovía. Angu surdía del su petu; el su cuerpu, cansu, destremecíase. Depués l`anjéu s`arraló a mas que mas.

-¡S`acabó! -dijo anguien por cima d`él.

Él sintió esas parabras y repitiolas nel su alma. "S`acabó la muerti -díjose-. Pateta no desisti."

Alendó, caltuvo l`alendáa a la metá, espurrióse y morrió.

La muerti d`Iván Ilich

León Tolstoi

Viernis, 21 d`agostu de 1942

Quisía Kitty:

El nuestru escondite agora sí es un verdaeru asubiu. Al siñor Kluger paecióle qu`era mijor que por lanti de la puerta d`alcesu a la Casa de detar pusiéramos una balda, pos los alemanis están registrando casas a esgaya a buscu de bicicletas ascuendías. Peru es una balda giraora, qu`abri al simen d`una puerta. Hézola el señor Voskuijl. (Está avisáu de los sieti ascuendíos, y amostróse mui mañenti en tolos aspeutos).

Agora, cuandu queremos abajar al pisu d`abaju, tenemos d`ajibamos y depués saltar. Depués de tres días, tóos ellos tiníamos la renti escripía de chinchonis de tanta zamostáa al trempasar la puerta, baja por demás. P`amorecer los golpes eno pusibli, Peter puso un trapu con jorcinas de maera ena solera. ¡Veremos si val!

Estudiar, no estudio muchu. Jasta sitiembri decidí que tengo vacances. Papa diz que depués él me dará clasis, peru primeru tindremos de mercar tolos libros del nuéu cursu.

La nuestra vida no cambea muchu. Hui lavarin la capeza a Peter, lo qu no tién náa de particular. El señor Van Daan y yo siempre andamos rutando. Mama siempre me trata comu a una neñuca, y a mí esu m`enrabia. Polo demás, tamos angu mijor. Peter sigui ensín mecer conmigo, es un latosu, qu`está tol día ganduliando ena cama, depués martillea un pocu y cuandu fina guélvese a tumbar. ¡Vae un tochu!

Esta mañana mama volvió a echame un sarmón. Los nuestros paeceris son talmenti repuchaos. Papa es un cielu, onqui daque vegáas s`enfurruña cunmigu por cincu minutos.

Juera jaz güen tiempu, encotóo tratamos d`arrejundilo eno pusibli, tumbándomos nel jargón que tenemos nel soberáu.

La tu Ana.

Yo, Ming (y 2)

Vivo nel interior de China, juntanu al lláu Kokonor. Tolos días póngome`l mi sombreru pajeru y el calzón anchu. Cáa mañana, a la raita`l sol, marcho cona chicuca Nam a la mi vera, caminu`l pueblu. Nam aposa la su manu, tan chicuca, ena mía y trespón pol caminu dando blincos que jacin boyear las sus trezas. Cambaleamos ajita. Yo dejo a Nam ena escuela y depués sigo la calle de los vendeoris pa vender los mis pastelis de gingibri. Aquí soi mu currutu. Aminudu gálgome ena tienda de Liang, el vendeor de té. Semos güenos amigos.

Pola tarduca, Nam y yo, tornamos pol sedu pindiu que mos conduz a casa. Ella cuéntame cómu le jue`l día. Y tatarea. Y va blincando, con un pie, col otru... La su risa zizaguea ena nuechi que va caendo seglementi. Asina es la nuestra vida. Cáa día. Namás que cambea la color de los arrozalis y l`agolor de las cajas de té.

Esta mañana, diendo a la escuela, atopemos una sapa azulienti. ¡Tamién yo podría ber síu una sapina cuasi azul! Y cudé enas reinas d`Engalaterra, en cocodrilos, en ricos emires, en brujonas, en toros, en generalis, n`emperaoris del mundu y de sapas cuasi azulientis.

Tóos cudarán n`esti estanti: "¡Vae, si biera síu Ming! Tindría la manuca de Nam pretando la mi manu y sedría`l güelu mas feliz del mundu".

Esta nuechi, enanque Nam duermi, cuegí`l su cuadernu de tarea y escribí al pie de la ùltima página, nuna letruca mui chica: A. (ascuchu) Nam, angelucu míu, quiérote. Y firmé con letra chica: Yo, Ming.

Yo, Ming

Clotilde Bernos

Nathalie Novi

Edit. Kókinos

Yo, Ming (1)

Podría ber nacíu Reina d`Engalaterra, tener jermosos sombreros y viajar nuna carroza con deciochu caballos. Saludaría a la genti con mínimu viecu de manu y sonriría al ver los angelucos meyu esconsoñaos qu`atabalan la tarta de manzana que me servirían col té.

Podría ber nacíu Cocodrilu y medrar ena lera del Nilfertiti. Merendaría a tolos turistas jondrigueros con pantalón curtu y visera, cámara de fotos enclusen, namás que posasin la punta del su pie ena lera de la mi poza.

¡Mijor entá! ¡Podría ber síu un Ricu Emir! Bría dáu dos vegáas la güelta al mundu: a una manu, nun Rolls-Royce y nuna bicicleta doráa, cancia otra manu. El restu del tiempu apasaríalo hiciendo contaeru de los mis tresoros ena herba del mi maravillosu oasis.

Tamién podría ber síu una Bruja Despantosa. Cona mi bardiasca maléfica trucaría a tolas princesas mozas y guapas en mosquitos. Y depués, amostrando`l mi únicu dienti ena cascajáa, piesllaríalas nel mi payu, escripíu de tarañas.

Bría podíu, enclusen, nacer Toru. Jermosu, tresnáu, jampudu, sedutor. Jablaría a tolas vacas d`alredor y diríemos a correr la boda al cierzu de China, una detar d`otra.

U bría podíu ser un Gran General con un gorru combláu d`estrellas, jacinas de medallas, misilis siempri a puntu y cañonis premanentementi compuestos pa disparar. Y enas mis vacances soñaría con alfombras de bombas y un ejércitu d`obedientis soldaucos de plombu.

Tamién podría ber síu Emperaor del Mundu. Y asentáu nel mi tronu, con una corona tan alta comu la torre de Babel, sedría mesqueru de la Tierra entera, dendi`l mas roín alicáncanu jasta los mas importantis presonajis del planeta. Cáa añu entarajilaría una gran fiesta nel mi palaciu, y convidaría a la Reina d`Engalaterra, al Cocodrilu, al Ricu Emir, a la Bruja Despantosa, al Toru, al Gran General, etc. Tóos ellos aplaudirían cáa una de las parabras del mi espiche.

Peru évate que soi Ming. Y naide mas.

(Sigui...)

Yo, Ming

Clotilde Bernos

Nathalie Novi

Edit. Kókinos

Del dar

Entós un hombri ricu dijo: "Párlamos del dar". Y él retrucó:

"Vos, dais, peru áinas es náa cuandu sólu dais de las vuestras ricuras. Peru si vos dais a vos mesmos es cuandu rialmenti estaríis dando, porque, ¿hai mayor tresoru? ¿qué son las ricuras namás que cosas qu`atropais y arrecadais por miéu a atangualas el día de mañana? Y el mañana ¿qué apurrirá`l mañana al perru precavíu que sotierra un güesu nel sable enalcesible del desiertu pa siguir a los pelegrinos cancia la Ciudá Santa?

Y, ¿qué es el miéu a atanguar, sino la necesidá mesma? ¿Bríeis sintíu pánicu a la sede, a esa sede sinfinita, si`l vuestru pozu estuviera combláu?

Hai quienis dan un pizcatu de lo muchu que tienin y cuandu dan quierin que se les agradeza, peru col su escuru anjéu jacin qu`el su dáu sea endinu.

Y tamién están los quienis pocu tienin y lo dan tóo. Éstos son los quienis crein ena vida, ena dablura de la vida, y las sus juchas enjamás estarán varcías." (...)

Gibrán Khalil Gibrán

El profeta

Dersú Uzalá

Pola mañana, despertéme por un ruíu de grijos. Eran las cincu. Los relinchíos de los caballos, el labarientu qu`hicían esmengando los sus rabos, los juratos de los cosacos, tóo ellu finó por jaceme adivinar una abondez d`insectos. Vistíme ajita y najé`l mi mosquiteru. Nubis encuntablis de mosquitos borreaban por cima`l campu. Los desgraciaos caballos trataban de meter la sus capezas ena jumera. Un velu d`insectos arrodiaba la joguera apagáa. Mientres el juéu estuvo encesu, no cesarin de morrer a mozáas-

Sólu dos meyos son p`asigurar escontra estos insectos: una gran jumera y muvicionis rápidas. Rialmenti, n`estos casos, no es güenu quedase quietu nel sitiu.

Mandé aparejar los caballos y averéme a un árbul p`apañar la mi carabina, peru no jui p`arreconocela so la capa gorda de color gris cernáa: tratábase d`insectos pegaos ena su grasa.

Apañé los mis haberíos y tiré caminu alanti ensín asperar a que los caballos estuvieran cargaos. A un kilómetru de la fanza, el sedu hicía una alcuentra con dos direicionis escontrarias: la drecha siguía`l calci del Ula-khé, mientres que la isquierda diba cancia`l cordal del Sijote-Alin.

Destriáu de Dersú Uzalá

Vladímir Arséniev

La patera

Una estrella del rabu trespuso de súpitu pol cielu negru, soscitando nel nuestru corru un silenciu jechizáu. No jaz falta dicir qu`el deséu que pidimos tóos ellos nun sen era maner derréu llendé la mar, allí ena lera pruhibía. Los mis güejos cruciárinse conos del mi primu.

-Nunca creí enos mensajes de los astros -diji sonriendo.

-Yo tampocu -retrucó Reda.

-¡Mal jechu! -desclamó Yarcé-. Nel país d`aondi vengo, entrugamos muchu al cielu.

-¿Vos retruca? -dijo asombráu Reda.

-Daque vegáas -benifestó Yarcé-. Singún los sus jumos.

-¿Y cómu vos entendís?

-Tenemos letoris de nubis, d`estrellas y d`airi -desplicó.

-¿Al simen de los indios?

-Sí, egual que los indios.

-¿Qué pidís al cielu?

-Toa clas de cosas -dijo Yarcé-. Sobri tóo dirigímomos a él cuandu tenemos miéu.

-¿Solís tener miéu?

-Mas de lo que queremos almitir -retrucó Yarcé. Rada caviló un momentu.

-¿Qué es lo que vos aterrez?

-Los nuestros demoños -retrucó Yarcé- La nuestra solidez.

Reda tamién conocía`l miéu.

Destriáu de La Patera

Mahi Binebine

Akal literatura 2000

la fiesta

Nel principiu era la Fiesta.

La Fiesta es la benifestación primer y total del Espíritu. Es l`alcordanza de la creación. De la Fiesta surdin tolas obras del Espíritu: las cencias, las artes, la Religión y la Hestoria mesma. No digo de la Hestoria escrita, sino de la Hestoria jecha y vivía: los pueblos, las naciones y ciudaes jundárinse nun día de Fiesta. Los jefes que protagonizarin la Hestoria y mestarin a las diferientis tribus juerin pa jacelo a la juerza, peru cona Fiesta las mestarin nel gozu.

El centru de la Fiesta está nel Sacrificiu: el sacrificiu del Héroe.

(...)

Lanza del Vasto

Espiche (en castillanu) grabáu enos campamentos del Arca

Salamanca 1980

Destriáu de "La relochez de Noé". Ed. Rutas del vientu 1984

Werther

¡Cómu presta qu`el mi corazón sea pa tastear los sincios y inocentis placeris del hombri que pon ena mesa la col qu`él mesmu cultivó, y no sólu desfruta de la col, sino de tolos güenos días, de la jermosa mañana que la plantó, de las lambiqueras tardis que la regó y del gustu de vela medrar! Tóo ellu güelvi a tastealo nuna alendáa.

Johann Wolfgang Von Goethe

Las desventuras del mozu Werther

Aegidii agricole de Hammo

Aegidius de Hammo era un hombri que vivía ena región central de Gran Bretaña. El su inombri completu era Aegidius Ahenobarbus Julius Agricola de Hammo; porque la genti gastaba piruleros inombris n`aquellos tiempos abora tan lueños, cuandu esta isla estaba entá, por frutuna, dividía en reinos asgaya. Bía entós mas relaje y menos habitantis, de móu que los mas eran presonajis distinguíos. Aquellos tiempos, pola escontra, pasarin, y d`aquí alanti declinaré al protagonista pola jorma curta y corruta del su inombri: era`l granjeru Egidiu de Ham, y tinía la barba panoja. Ham no era namás qu`un pueblu, peru n`aquellos días los pueblos eran argullosos y endependientis.

J. R. R. Tolkien

Farmer Giles of Ham

Cuentu zen

Un hombri que viajaba al treviés d`un campu s`atopó con un tigre. Y ajuyó mientres el tigre lu prisiguía. Al allegar a un cantil, garróse de la ráiz d`una birigarda y saltó al cantil. El tigre ufateabalu dendi arriba. Tembleando, l`hombri miraba cancia abaju, ondi otru tigre lu asperaba pa mangullilu. Sólu la birigarda lu contiaba.

Dos ratos, un blancu y otru buru, pocapocu, espenzarin a roer la birigarda. L`hombri vio una guapa mayueta a manu. Garrándose bien de la birigarda con una manu, cona otra apañó la maeta. ¡Qué prestosa estaba!

Anónimu

El dejuntu Matias Pascual

(...)

Aquel probe hombri sólu cudaba enos diez céntimos que costaba`l viaje, y no aparaba de dicir que chin a chin de diez céntimos escuyábase comu augua tol su roín sueldu, surtiendo no ser enforma pa jacer aquella vida triscona con tranvía létricu, luz létrica, ecétera, ecétera.

Y, encontóo, cavilaba yo: la cencia s`atribui la lienda de jacer mas fácil y hallaera la vida; peru entá supusiendo que verdaeramenti la jaga mas cincía conas sus máquinas tan complicáas, entrugo yo: ¿Y qué sirviciu más roín puéi jacele al quien está condenáu a una labor vana que jacésela fácil y pocu menos que mecánica? Golvíame a la jonda.

Allí, nel carreju, escolgáa juntana a la ventana, bía una jaula con un canariu. No siendo pa parlar cona genti y no supiendo qué jacer, pusíame a parlar col canariu; arrientábale cona mi voz, y el probe pajarucu criía que le dicían angu, y aparaba a ascuchar, y quizaes n`aquellos píos míos camientase airis de viesca, de libertá... Regolvíase ena jaula, blincaba d`una caña a otra, miraba al deslái meneando la pezuca, y depués m`arretrucaba, m`entrugaba y manía ascuchando. ¡Probe pajarucu! ¡Cómu m`entendía él, mientres que yo quedaba en peristas de lo que biera dichu!...

Onqui bien miráu, ¿no mos acontez a los hombris angu atraíu? ¿No mos creemos tamién nos que la Natura mos parla? ¿Y no mos paez ascuchar un sen enas sus vocis misteriosas, una retruca, singún los nuestros deseos, a las anjeantis pisculizas que le jacemos? Y lo mas pusibli es que la Natura, ena su manitú sinfinita, no tenga ne la mas remota idea de nos y del nuestru vanu aléu.

¡Peru hai que ver a qué conclusionis le conduz una groma surdía del jolgar a un hombri condenáu a estar siempri en sólidu! Pujos me daban de liame a palos cunmigu. ¿Estaría yo de veras en vísparas de cunvirtime seriamenti nun filósofu?

No, no, ¡quita! No era lógica esa condución. De suerti que no bría síu pa siguir oservandola mucha tiempu. Era precisu que yo venciesi toa curtedá y adotase comu sea una resolución.

Nuna parabra: yo tinía de vivir. ¡Vivir!

Luigi Pirandello

El dejuntu Matías Pascual

El país de las maravillas (y 8)

Si agora contraese tóo -pescudó acolecháu al profesor- ¿no tendremos d`asperar que, bien luegu, tolas piedras d`esti universu s`ensemblin y mos tricin?

-Esatamenti -retrucó`l profesor cona mayor tranquilidá- . Peru magino qu`enantis la calor subirá tantu que sedremos disociáos n`átomos desaparaos. Es una imagin en chiquitucu del acabose del universu grandi: tóo se cunvertirá una esfera uniforme de gas caldu. Cona nuéa despansión espenzará la vida otra vegáa.

-Dios míu! -desclamó`l siñor Tompkins-. Nel universu grandi cuntamos, lo dijo usté, con milentas de millonis d`años enantis de qu`allegui la final, peru aquí tóo trescurri ajita por demás pa mí. Espienzo a tener calor, onqui estoi col pijama.

-Mas val que no lo quiti -aconsejó`l profesor- porque no val de náa. Cinciamenti, ásprase y oservi mientris sea pa ellu.

El siñor Tompkins no retrucó; l`airi caldu era ensoportabli. El polvu, mui densu agora, atopábase al su alredor y paecióle ruar por un astragu blandu y caldu. Hezo una muvición pa librase y sintió l`airi frescu nuna manu.

-¿Es qu`abrí un joracu nesti universu enhallaeru? -jue`l su primer cudar. Diba a jacer esta pisculiza al profesor, peru ya no lu alcontró por láu dengunu. Pola escontra distinguió, a la meya luz del remanecer, las escafas familiaris del su cuartu. Taba ena cama, atotogáu pretamenti nuna manta de lana, y jue pa sacar una manu juera.

"Cona nuéa despansión espienza otra vegáa la vida -cudó, acanzándo las parabras del vieju profesor-. ¡Menos mal qu`estamos tovía ena despansión!"

Y trespuso a dase`l bañu matinal.

George Gamow

El país de las maravillas. 1939

El país de las maravillas (7)

-¿Nunca galgará esta despansión? -entrugó`l siñor Tompkins.

-Caru que sí. Y entós encetará la contraición. Tolos universos socoliñan enti arradios máisimos y mínimos. El periodu del universu grandi es largu enforma, de dellas milentas de millonis d`años; peru esti universu chicu tién un periodu d`áinas dos horas. Oservamos, si no m`enquivoco, l`estáu de máisima despansión. ¿No nota`l fríu que jaz?

Efeutivamenti, la radiación térmica pieslláa n`aquel universu, retaporcionáa agora nun vulume mui grandi, áinas calentaba`l planetucu, y la temperatura s`averaba a la del glaju.

-Tenemos suerti -declinó`l profesor- de que dendi un principiu hebo la radiación enforma pa caltener cierta calor, enclusen nesti gráu de despansión. De no ser asina, el fríu bien sedría p`allegar al puntu de que l`airi qu`arrodea la nuestra boca se licuara y morriéramos ajelaos. Peru ya s`encetó la contraición y, luegu bra calor otra vegáa.

El siñor Tompkins miró al cielu y vio que tolos ojetos cambeaban de color, del rosa al violeta, fenómenu que desplicaba`l profesor supusiendo qu`agora tolos cuerpos estelaris movíanse cancia ellos. Acanzóse tamién de l`analogía qu`el profesor declinó, atentu`l tonu del chifíu d`un tren que s`averaba, y tuvo un sacudiatu d`espantu.

Sigui...

El país de las maravillas (6)

Cansu d`esjorzase pa entender toas estas desplicacionis, el siñor Tompkins miró al su alredor y quedó sorprendíu al alvertir qu`el celaje cambeó jondamenti. Paez que bía menos polvu, de móu que quitóse`l pañuelu qu`atotogaba la su cara. Las piedrucas eran muchu mas raras, y chocaban escontra la llastra con estañíos. D`otra manu, las llastronas, apaecías a la qu`acupaban y que distinguió dendi`l primer momentu, taban tan lueñas qu`áinas eran pa vese.

-Güenu, la vida va hiciéndose mas ajallaiza -cudó`l siñor Tompkins-. Taba aterrecíu de qu`una d`esas piedras volantis me lampiara. -Y arrecatándose cancia`l profesor. -¿Sedría uste pa desplicame los cambeos d`alredor?

-Fácilmenti. El nuestru universu chicu despándese ajita, ásprase luegomenti y nel tiempu qu`estamos aquí las sus dimensionis apelucharin dendi cincu jasta cientu sesenta kilómetros, mas u menos. Dendi qu`allegué alvertí la despanción pol enrojamientu de los ojetos lueños.

-Efeutivamenti; y tamién noté qu tóo alquier una color rosa cuandu s`alcuentra a gran distancia -Dijo`l siñor Tompkins-. ¿Es un síntoma de despansión?

-¿Notó usté daque vegáa qu`el chiflu d`un tren que s`avera produz un son mu agudu, peru que, en trespusiendo, el tonu baja nitiamenti? -desplicó`l profesor-. Es l`efeutu Doppler: l`arrelación enti l`altor del son y la velocidá de la juente. Cuandu l`espaciu enteru está n`espurrimientu, tolos ojetos comprendíos n`él s`alueñan del oservaor con velocidá proporcional a la distancia que los desepara. En toa manera la luz qu`emitin esos ojetos s`arrubia y, n`óptica, corresponse a una minor "altor". Contra mas lejonas está un ojetu, mas ajita rabea y mas coloráu mos paez. Nel nuestru güen y vieju universu, que tamién está despandiendo, esti arrojachar, u muvición cancia`l roju, comu suelse llamar, premite a los astrónomos carcular aprosimadamenti las distancias de las collas d`estrellas mas remotos. Un de los mas juntanos, la nebulosa d`Andrómeda, amuestra una rojez del 0,05, lo cual equival a la distancia arrecorría pola luz n`ochocientas milentas d`años. Peru hai tamién nebulosas, enos lintes del asgance autual de los nuestros telescopios (Está escritu nel añu 1939), qu`amuestran rojanas de cuasi`l 15 %, correspondiendo a distancias de dellos cientos de millonis d`años luz. Suponiendo que talas nebulosas s`alcuentran cancia`l puntu meyu del ecuador del gran universu, de jorma qu`el vulume total del espaciu alcesibli a los astrónomos terrestris arrepresenta una fración considerabli del vulume total del universu. El ritmu d`aguañu de despanción es mas u menos del 0,00000001% anual, lo cual amuestra que, cáa sigundu, l`arradiu del universu alquier un incrementu de deciséis millonis de kilómetros. L`universu chicu nel qu`agora mos jallamos medra en comparanza muchu mas luegomenti, pos las sus dimensionis apeluchan alredor del 1% por minutu.

Sigui...

El país de las maravillas (5)

El siñor Tompkins no atendía; taba pasmáu por demás tratando d`acanzase cómu eran pa se jormar las imágenis de los ojetos cóncavos y enas lentis, singún la óptica basal. Cuandu dejó l`asuntu pa práu, las dos imágenis marchaban en direicionis escontrarias.

-Peru ¿qué es lo que curva l`espaciu y produz tóos esos efeutos tan divertíos? -pescudó al profesor.

-La presencia de materia ponderabli -jue la retruca-. Cuandu Newton aprendió la lei de la gravedá, cudó qu`era una juerza ordinaria mas, de la mesma clas, pintu`l casu, que la surtía por una cinta elástica espurría enti dos cuerpos. Peru mane, encontóo, el jechu guarísticu de que tolos cuerpos, endependientementi del su pesu y dimensionis, recibin la mesma aceleración y muévense tóos en móu cuspíu so l`aición de la gravedá, con tal de que no haiga mogura del airi, caru. Einstein jue`l primeru que demostró nitiamenti que l`efeutu primariu de la materia ponderabli es una curvatura del espaciu y que la trayeutoria de tolos cuerpos que muévense enos campos gravitaoris son curvas pola cincilla razón de qu`el mesmu espaciu tién una curvatura. Peru paezme que sedrá difícil por demás pa usté entender tóo estu, ensín saber matemáticas enforma.

-Caru -benifestó`l siñor Tompkins-. Peru, dígame, si no bría materia, ¿valdría entós la geometría que mos deprendierin ena escuela, y las paralelas no s`ajuntarían enjamás?

-Enjamás, efeutivamenti -retrucó`l profesor-. Peru tampocu bría creaturas materialis pa comprebalo.

-Val, igual Euclides enjamás desistió y jue pa costruir la geometría del espaciu asolutamenti varcíu.

Peru`l profesor no amostró dengún interés por entrar nesti asunte metafísicu.

Enanque, la imagin del libru golvió a alueñase ena direición primera, y agora golvía por sigunda vegáa. Era tovía mas ñacláa qu`enantis y ainas era p`arreconocese, lo cual, singún el profesor, era polos rayos luminosos que dierin la güelta al universu enteru.

-Si s`arrecata usté -alvirtió al siñor Tompkins- verá, a la final, tornar al mi libru, fináa ya la su jornáa alredor del universu.

Espurrió la manu, garró`l libru y guardolo en bolsu.

-Comu usté es pa ver -dijo entós-, hai tanta polvu y piedras nesti universu, qu`es cuasi empusibli distinguir nitiamenti los alredoris. Esas sembras ensín jorma son probablementi imágenis de los ojetos que las arrodean y de nos mesmos. Peru están tan dejormáas pol polvu y las enrregularidaes de la curvatura espacial, que no soi pa siquiera decile qué es qué.

-¿Produzse`l mesmu efeutu nel gran universu nel qu`estamos amezaos a vivir? -enterrogó`l siñor Tompkins.

-Caru -jue la retruca-. Peru aquel universu es tan grandi que la luz atangua milis de millonis d`años p`arrodialo. Pa ser pa vese cuertar el pelu del cocote, ensín espeju, tindría usté d`asperar milis de millonis d`añor depués de dir a la peluquería. Anqui, ni que dicir tién, el polvu interestelar confundiría talmenti la imagin. Por esi sen, un astrónomu englés dió en dicir que las estrellas que vemos agora en cielu no son sino imágenis d`otras que desistierin jaz mucha tiempu. Peru era una groma.

Sigui...

El país de las maravillas (4)

-No -dijo`l profesor-. Sigui alueñándose. Si usté lo ve mas grandi, comu si estuviera de güelta, es por mor d`un efeutu d`enfoque sellencu del espaciu esféricu pieslláu sobri los rayos luminosos. Tornemos al antigu griegu. Si juéramos pa jacer que los rayos de luz jueran siempri al ras del astragu terrestri (pola arrefración ena atmósfera, digamos), el griegu sedría pa, usando unos prismáticos mu poderosos, siguir al viajeru duranti tola su jornáa. Si mira usté un globu terráquiu, alvertirá que las liñas mas reutas pusiblis nel su astragu, los meriyanos, espienzan por desapartase enti sí, surdiendo del polu, peru en cruciando l`ecuador, confluin cancia`l polu escontrariu. Si los rayos luminosos viajaran polos meriyanos y usté maniese, pintu`l casu, nun de los polos, vería al viajeru cáa vegáa mas chicu, singún s`alueña, jasta asganzar l`ecuador. Dendi esa alendáa las sus dimensionis dirían medrando y a usté se le jadría que s`averaba, rabeando. Cuandu`l viajeru allegase al polu escontrariu, viríalu usté tan grandi comu si lo tindría a la su vera, peru no sedría pa polalu, egual que no semos pa tocar la imagin d`un espeju esféricu. Gracias a esta analogía bidimensional, sedrá usté pa maginase lo qu`acontez conos rayos luminosos nel espaciu tridimensional misteriosamenti curváu. Paezme que la imagin del libru tién d`estar ya bien averáa a nos.

Efeutivamenti, el siñor Tompkins dejó los prismáticos y vio`l libru a pocos metros. Peru ¡qué destrañu era`l su aspeutu! Las sus jormas no eran decinías, sino un pocu descompuestas, y las jórmulas escribías enas sus páginas pol profesos eran áinas arreconociblis. El libru enteru amejaba una fotu juera de focu y a meyu revelar.

-Comu usté es pa ver -dijo`l profesor-, trátase talmenti de la imagin del libru, jondamenti dejormáa pola luz, que tuvo de tresponer la metá del universu. Pa cunvencese del tóu namás tién d`oservar cómu tresparéntanse al treviés de las sus páginas las piedras qu`están detar del libru.

El siñor Tompkins intentó apañalo, peru la su manu trevesó la imagin ensín atopar mogura.

-El libru verdaeru -desplicó`l profesor- s`alcuentra agora juntanu al polu escontrariu del universu, y dendi aquí es usté pa ver dos imágenis d`él. Justamenti le está usté dando l`espaldar a la sigunda. Cuandu s`encintin ambas, el libru dirá esatamenti pol polu escontrariu.

Sigui...

El país de las maravillas (3)

-Aquí no hai días -dijo- ne sol. Ne siquiera una estrella luminosa. Afrutunamenti, los cuerpos deshibin daque procesu químicu nel su astragu. De no ser asina, sedría emposibli oservar l`espurrimientu d`esti espaciu. -Dichu estu, golvió al su libru.

El siñor Tompkins sintióse mu enfeliz. ¡Que la única presona del universu enteru sea tan ensociabli! De súpitu, un de los meteoritos chicos veno ena su auda: con un trisquíu zuñó`l libru de notas de las manos del profesor y lanzólo al espaciu a escapi, alueñándolo cáa vegáa mas lejonas del planetucu.

-Ya no sedrá p`arrecuperalo -desclamó`l siñor Tompkins, mientres el libru diba esapaeciendo lueñu.

-Tolo escontrariu -retrucó`l profesor-. Ya ve usté que l`espaciu que mos arrodea no es destensión sinfinita. Sí, sí; ya sé qu`a usté lu deprendierin ena escuela que l`espaciu es sinfinitu y que dos paralelas enjamás s`atopan. Encontóo, tóo esu es tan falsu nel espaciu que mora`l restu la humanidá comu n`ésti. El primer, currutu es, qu`es enormi; los sabios atribuinlo una destensión de mas de 15.000.000.000.000.000.000.000 kilómetros, que pa un magín normal equival ciertamenti col sinfinitu. Si esmanase allí`l mi libru, tendría d`asperar un tiempu encríiblementi largu pa que tornase. Peru aquí la cosa es mu diferienti. Lo últimu que jui p`apuntar es qu`el diámetru d`esti espaciu asganza áinas unos ochu kilómetros, onqui está medrando luegu. Aspero arrecuperar el mi libru de notas enantis de meya hora.

-¿Es que, singún usté, el cuadernu va a portase al simen del bumerán d`un australianu, es dicir, siguirá una direición curva pa vinir a los sus pies? -aventuróse a dicir el siñor Tompkins.

-En móu dengunu -jue`l retruque- . Pa comprender lo que rialmenti acontez, cude nun griegu antigu, el quien no supía que la Tierra es esférica. Maginemos que mándase a daque presona tresponer endecinidamenti cancia`l cierzu, arronti. Magínese la su sorpresa al ver golver al viajeru pol ábrigu. El nuestru griegu no sabría lo qu`es dar la güelta al mundu (a la Tierra, nesti casu) y cudaría qu`el caminu del viajeru no jue reutu sino curvu. En rialidá esi tresechu hézose al treviés de la liña mas reuta que semos pa jacer sobri l`astragu terrestri, peru dió la güelta al planeta y tornó al puntu inicial pola direición escontraria. Cuspiú acontecerá col mi libru, a no ser qu`atope con daque piedra y dervíese del su trayeutu reutu. Tenga estos prismáticos y mire si es pa distinguilo tovía.

El siñor Tompkins miró polos prismáticos y, onqui`l polvu hicía confusu enforma`l panorama, jue pa distinguir el libru de notas del profesor viajando pol espaciu mu, mu lantón. Sorprendióse muchu pola color rosa de tolos ojetos lueños, y del mesmu libru.

-¡El libru está tornando! -desclamó al pocu ratu-. Cáa vegáa véolo mayor.

Sigui...