L`hombri vieju y ciegu

"An den kozh dall war e varc`h gwenn hag e vab krog er c`hanabenn..."

"L`hombri vieju y ciegu nel su caballu blancu y el su jíu garra`l ramalillu..."

Esti cantíu tradicional bretón cuenta una hestoria jermosa: la familia tuvo de dejar la su casa y la su tierra y, carrilean escarceando un sitiu ondi maner ("Es una pena, a cualisquier edá, najar la tierra de los padris"). En siendo ciegu, el padri, entruga al mozu qué clas d`herbas vei pa se jacer una imagin de los sitios y, aprendi que van por una tierra de sables, un llamazal, una garmía... diendo luegu a enterrogar al su jíu polos requilindorios pa ser un güen agricultor. A la final, el vieju, pescuda pol sitiu pol que van. Es una tabora y, el vieju ciegu manda marchar, maldando a los quienis hacin carreteras qu`apurrin las guerras a los pueblos.

Barzaz jue`l mi grupu... de cabecera. Vílos, por primer vegáa, un añu enantis de deseparase. Espenzarin el conciertu con esti cantíu, eran las nuevi y meya de la nuechi del mes de juliu. L`escenariu: un castillu de Berry col públicu asentáu y lanzando avionis de papel. Goliondrinas volaban por cima de nos, trineando. Asperábamos al nuestru primer jíu. De súpitu, Gilles le Bigot dió las primeras notas cona guitarra. Empusibli ulvidar...

(Krouet e vez deomp gant ar sonerezh un eñvor `oa deomp dianav…)
(La música mos crea un pasáu, que nos, inoramos…)

Oscar Wilde