La casa ondi sueñan los árbolis

Dieter Comès es un debujanti francés de banda deseñáa con un debuju sellencu, en blancu y negru, con especial querencia polos silencios, polas sembras, pol realismu mágicu y pol paisaji de Las Ardenas, el su país de nacencia. Pertenez Comès a la cultura mesta enti francés y alemán –la jaza ondi vivi, cambeó de manos dellas vegáas nel últimu cientu d`años- Pa Comès esas dos culturas tienin visualis del mundu mu diferientis: la cultura francés es cartesianu y l`alemán es la cultura de los mitos, de la muerti, de la natura.

La casa ondi sueñan los árbolis jorma parti d`una larga tarja, nantáa por títulos maníficos (Silenciu, Iris, La Belette, ect.) que tienin comu piedra basal el tripu enti la genti y la natura. Esti títulu amuestra`l retruque cermeñu de los árbolis –la natura- a las sobresabías centellonas del ser humanu pa cona tierra.

Onqui con un taste de duceagrior, siempri hai una resquieza d`asperanza enas obras de Comès.

Sol chapapote está la tierra…