El pirru mongol

Byambasuren Davaa es una direutora de cine de Mongolia con dos pelícolas que son un alciertu: "La hestoria`l camellu que jimpla" y "El pirru mongol". Onqui la primer d`ellas es mas reonda y jermosa -nun planu general-, la sigunda vién a manu porque los sus protagonistas son unas neñas -mu chicucias, cuasi enanucas- qu`atopan un pirru esmanáu. La familia vivi -hiciendo muda- nuna tienda -ger u yurta- con una recilla güejas. El pirru no es oldeáu, pos lo vein perigrosu pal ganáu.

El relate es cincíu, jalonando pocapocu una hestoria ena que lo cutianu es vivir al ventistati. Los neños de la pelícola están tratáos con parcialidá y respetu. Cuandu la madri está hiciendo un quisu y está retrucando las sus entrugas, no esmana la pacencia, y es dabli ena desplicación. Cuandu la mayor sal catropando pa escarcear al pirru escabildráu, s`esmána al acaecer y es oldeáa por una viejuca que l`atecla y mira por ella jasta`l día derréu, jasta que los sus padris son p`alcontrala. El tratu entós tamién es parcial.

La final no vos la cuento.