L`hombri qu`ensimentaba árbulis (3)

Dime cuenta de qu`en tal de picaya, diba con un palancu de jierru tan gordu comu la mi déa y de metru y meyu d`altor. Cambaleando seglementi, siguí un sedu paralelu al suyu ensín que me viera. La su recilla aquedose nuna valleja. Él la dejó atecláa pol su perru, y veno cancia ondi yo m`alcontraba. Tuvi miéu de que quisiera echame l`altu pola mi endiscreción, peru no era náa d`esu n`asolutu: diba nesi sentíu y convidome a dir con él si no tinía náa mijor de jacer. Enguilemos a la esquienta la montaña, a un cientu metros.

Allí espenzó a jincar el palancu de jierru ena tierra, hiciendo un chorcu nel que pusía una llande pa tapar depués el joracu. Estaba ensimentando una cajiga. Pisculicé si esa tierra era suyu, peru díjome que no. ¿Supía cuyu es? No, tampocu. Creía qu`era propiedá comuñal, u quizáes pertenez a genti desconocíu. No importábale n`asolutu saber cuyu era. Ensimentó las llandes col máisimu cuidu. Depués de comer continó la ensimentación. Cudo que juí insistente enforma conas pisculizas, pos acedió a retrucame. Diba tres años qu`estaba ensimentando, naquella ería, un cientu llandes al día. Tinía ensimentáos un ciento de milentas. D`aquellos, solo ventimil armuellarin. D`estos, asperaba arruchar la metá por culpa las venadijas y los desinios emprevisiblis de la Providencia. A la final quedarían diez mil cajigas pa surdir ondi enantis no medraba náa.

Entós jué cuandu espencé a calcular la edá que tendría esi hombri. Nitiamenti era mayor de cincuenta años. Cincuenta y cincu, dijo qué. El su inombri era Elzeard Bouffier. Tuvo nel pasáu una granja nel llanu, ondi tinía entarajiláa la su vida. Esmanó al su únicu jíu, y depués a la su mojer. Arretirose`n solidez, y el su aler era vivir tranquilamente conas sus güejas y el su perru. Cudaba que la tierra estaba morriendo por falta d`árbulis. Y añidió que comu no tinía ubligación importanti denguna, decidió poner remeyu a esta situación.

Comu nesa época, a pesar de la mi mozandá, yo gastaba una vida en sólidu, supía entender tamién a los espíritus solitarios. Peru precisamente la mi mozandá m`emburraba a considerar el juturu con arrelación a mi mesmu, y a ciertu escarcéu de la felicidá. Díjele que diquiá trenta años las sus cajigas sedrían maníficas. Él retrucó cinciamenti, que si Dios caltenía la su vida, en trenta años ensimentaría un güén qué mas, y que los diezmil d`aguañu no sedrían náa mas qu`una mozáa d`augua ena mar.

Amás, abora estaba comprebando la multiplicación de las jayas y tinía un plantíu con jayucas medrando juntanu a la su casuca. Las plantucas, qu`asubiaba de las güejas con una talanguera, eras guapísimas. Tamién estaba cudando ensimentar abidulis enas vallejas ondi bía daque humedanza averáu al astragu la tierra.

El nuéu día mos deseparemos.

Sigui...