L`hombri qu`ensimentaba árbulis (6)

En 1.935 una delegación del gobiernu desplazose pa desaminar el “boscu natural”. La compusían un altu cargu del Sirviciu de Boscos, un deputáu y dellos téunicos. Desenrrollose un largu diálogu talmenti estiel, comparciando a la final qu`angu tiníase de jacer… y afrutunáamenti no hézose náa, menos una única cosa qu`arresultó útil: tol boscu púsose so la protección estatal, y la otención de ciscu d`árbolis quedó pruhibíu. De jechu era emposibli no dejase jechizar pola beldá d`aquellos arbolucos combláos d`inirgía, que con tóa seguranza jechizarin al deputáu.

Un amigu míu s`alcontraba enti los guardamontis d`esa delegación y le cunté`l misterio. Un día de la seimana derréu juimos a ver a Elzeard Bouffier. Lu atopemos trabajando duru, a unos diez kilómetros d`aondi hézose la especión.

El guardamontis supía valorar las cosas, pos supía cómu caltenese en silenciu. Apurrí a Elzeard los güevos que tinía de dáu. Compartimos la cumía enti los tres y depués pasemos dellas horas en contemplación del paisaji… en soniche…

Ena mesma dirección ena que vinimos, las llenes y vargas estaban encoronáas d`árbolis de seis a siete metros d`altor. Al velas, alcanzábame entá del aspeutu de la tierra en 1.913: una ería… un desiertu, y aguañu, un trabaju cuntinu y posáu, l`airi la montaña frescu y enrobráu, el socoliñe y, sobri tóu, la serenidá d`espíritu, bían otorgáu a esti hombri vieju una salú maravillosa. M`enterrogué cuántos carros de tierra mas diba a encoronar con árbolis.

Enantis de marchase, el mi amigu hezo una sugerencia curta atentu dellos lazos d`árbolis pa los qu`el suelu la zona diba especialmenti bien. No jue insistenti; “Pola güena razón de que Bouffier sabi d`ellu mas que yo” –dijo qué-. Peru, trés andar un ratu y cavilar, añidió: “¡y sabi muchu mas que cualisquier persona, pos descubrió una jorma maravillosa de ser filiz!”.

Jue gracias a esi hombri que no sólu la zona, sino tamién la felicidá de Bouffier tuvo proteición. Dejó tres guardamontis pal trabaju de curiar la biesca, y los apeldó a tener mogura, y repuchar las botellas de vinu, el macizu los cisqueros.
L`únicu perigru seriu aconteció duranti la Sigunda Guerra Mundial. Comu los cochis funcionaban con gasógenu, meyanti generaoris qu`alampaban maera, nunca bía maera enforma. La corta de cajigas espenzó`n 1.940, peru la zona era tan lueña de cualisquier estación de tren que no perigró. El pastor no s`enteraba de náa. Estaba a trenta kilómetros, ensimentando tranquilamenti, esconoceor de la guerra de 1.939, egual qu`ena de 1.914.

Sigui...