Nel cordial de la mintira

“Cuandu tol mundu mienti, la mintira ya no desisti” Con esti sutítulu parez la pelícola Nel cordial de la mintira (Au coeur du mensonge) de Claude Chabrol. No sé desplicar con parabras el porqué esti relate es un de los que mas me presta.

La hestoria es cincía: una neña parez apescolláa nuna biesca juntana a un pueblu bretón y enti los primeros sospechosos está la última presona que viola viva, René, el su maestru de debuju. Las mermuracionis del pueblu declinan que René, a güeju de meya fanega, es l`autor de la muerti. Viviane, la su compañera, alucha escontra esi mermur. René aprendi l`arrelación enti Viviane y Germain-Roland, un escribienti parisinu famosu de vacances ena zona. La genti quier parlar… y la comisaría ascucha.

Claude Chabrol consigui un climen de malencolía, de mancaura; y al simen d`otras pelícolas suyas, el sospense es una parti basal del relate. Peru no es un sospense atraíu al sospense trampujeru de Hitchcock, no, es un amañu de taste mu finu, con sotileza. Áinas sedremos pa damos cuenta de qu`hai un guarismu, tan centráos comu diremos enos aconteceris d`una pareja protagonista, que sofri y que quier maner juntos.

Sandrine Bonnaire y Jacques Gamblin están perfeutos nesti filme de 1999, que paezme`l mijor de Chabrol y, ondi náa es lo que paez y la única violencia es la que se camienta.