Filistin (Palistina)

El terror es una entramaña, un arma que con jilos lueños galga, acurria y controla al inimigu… y al amigu. Guiar al inimigu a un calleju de desasperación es serrar por riba. Amezar al mundu a las situacionis enternas de siniquidá, otomía, enjusticia y vergüeña es otra batalla ganáa por un Goliat de croel alma.

El terror es una estrucháa, una aijáa que taringa, rustiendo y retinglando enas probes vidas de los palestinos, mientres la Comedia de la Diplomacia caltién las sus toberas blancas, pa dar carta blanca a Israel, que convierti a Palistina nel blancu de la su mortal entramaña.

Pongo tóo esti parabreríu mientres l`ejércitu de Goliat apastraja a tóu un pueblu… ¡a tóu un Pueblu! ¡Váe duda! (tamién en castillanu: ¡Vaya asco!)