El tardíu.

Deajechu, parez qu`el branu marcha y derréu vién la toñáa. El sol surdi y acaez nesgáu y, la rosáa está benifiesta jasta mas de las 11, en tóa manera, el tardíu está aquí. No jaz falta mirar un reportoriu, miremos a los árbolis:

Dendi jaz unas seimanas tenemos jigos temporáos enas jigueras.

Las cucas espienzas a dase.

Las castañas ya cain col burizu -tovía queda tiempu jasta los ábrigos d`utubri...-

Abortos, albortos u aboríos están, cuasi nel mijor momentu. Coméi pocos.
Esti añu no es mu avillaneru. Otru sedrá...
Los Membrillos están a puntu.

Las andrinas atanguan una primer jeláa, peru ier, vilas mu ricas en San Sebastián (Donostia).

Calambrojos, setas, uvas, mazanas, amargosos, saugos, jenebros, majuetos y moras; piesllan esta tarja de dáos que vienin col tardíu.

¡Güen provechu!