Cojechas.

Depués d`escribir atentu los frutos del tardíu, alcánzome de qu`es tiempu d`apañar caloca/oca/ocle/cendu, peru aguañu las mareas de calocas pasarin n`agostu, en tóa manera que sitiembri vién ensín calocas enos sables (polo menos ensín tanta coloca comu otros sitiembris, pos los "práos sumarinos" de caloca están cojecháos pola cierzáa d`agostu).

Otras cojechas que tienin el su reportoriu sellencu enos dijíos:

El saugu/sabugu/sambucu/sacapute ena nuechi de San Juan. Mijor ensín rosáa.

La tila ena víspara del Carmin, nel Carmin u nel día derréu (14, 15 y 16 de juliu).

El rabu zorra, alredor del día de Santiagu (25 de juliu) y, l`oréganu por San Justu (6 d`agostu).