Los Papalagi (6)

Oficios de Los Papalagi y el michorcu que d`ellas surti.

Cáa Papalagi tién un oficiu. Es difícil dicir esatamenti lo qu`estu sinifica. Es angu pa lo que se tién de tener gran apetegu, peru paez que la mayoranza`l tiempu jalta. Tener l`oficiu sinifica jacer siempri las mesmas cosas. Jacelas tan aminudu qu`enclusen sedrías pa jacelas a tentujones y ensín correa denguna. Si las mis manos no jadríen náa mas que costruir cabañas u tejer esteras, entós el mi oficiu sedría la de costrutor de cabañas u tejeor d`esteras.

Hai oficios masculinos y jemeninos. Lavar taparrabos ena llauna y abrillantar las pielis de los pies son oficios jemeninos; navegar nun barcu pola mar y disparar a las palombas nel boscu son oficios masculinos. Las mojeris normalmenti dejan los sus oficios cuandu casan, peru es rialmenti entós cuandu l`hombri enceta`l suyu. Un alii entrega sólu la su jía a un roldaor qu`esté preparáu pal su oficiu. Es norma que tóu hombri blancu tenga`l su oficiu.

Es por esu polo que cáa Papalagi tién d`ascueger un oficiu pal restu la su vida, al empar que li jacin los tatuajes de pubertá. Ésta es una ocasión mu importanti y una aiga adeica tanta tiempu comu a qué comer el día derréu. Si pintu`l casu ascuegi un oficiu de tejeor d`esteras, un alii apurri al mozu a un hombri que no jaz otra cosa que tejer esteras. Esti hombri tién d`amostrar al mozu cómu tejer esteras, deprendelu a tejer esa estera cuspíu a él, ensín mirar. A minudu l`ensiñamientu uya mucha tiempu, peru cuandu lo domina, deja al hombri y la genti diz que ya sabi un oficiu.

El Papalagi tién tantos oficios comu piedras hai ena llauna. Tolo que jaz lo truca nun oficiu. Cuandu daque presona cojecha quimas del árbul, jaz un oficiu. Es tamién un oficiu el tener cudares y el mirar a las estrellas. Rialmenti no hai náa qu`un hombri sea pa jacer que no sea convertíu n`oficiu polos Papalagi.

Si un hombri diz qu`él es un tussi-tussi (1), entós esu es ya un oficiu. No jaz náa mas qu`escribir una carta trés otra. Él no cuelga la su estera de durmir enos cabrios del techu. No va a la su choza-cucina pa freir él mesmu daque frutas y no frega la basa. Comi pescáu, peru enjamás sal a pescáselo. Comi fruta, peru nunca lo apaña él mesmu del árbul. Encontóo, escribi una carta trés otra, porque resulta qu`el su trebaju es el de tussi-tussi. Tóas estas aicionis son oficios: apurrir los haberíos de comer, apañar pejes y cojechar fruta. Y sólu los quienis desfrutan d`esi oficiu son pa ejercela. (...)

(1) Escritor de cartas (tussi=carta). Escritor.