Los ritualis chicos

Tolas nuechis, depués de cenar, los mis tíos Saroj Bainji y Pal Uncle compartin un pomelu. Es una tradición que caltienin trés mas de cuarenta años de matrimoñu. Ponin los platos sucios y los cubiertos nel bañal, y los rebusis de la cena los dejan ena cucina y depués los guardan.

Saroj Bainji cuege un pomelu, destriáu con máisimu cuidu de la cestaña la fruta. Si tienin convidáos a cenar, tamién apurri a la mesa pomelos pa tóos. Saroj Bainji saca`l su cuchíu preferíu, s`asienta ena su silla y espieza a brullar la sugosa fruta mientres Pal Uncle pónese hallaeru.

Mientres Saroj Bainji brulla`l pomelu, ella y el tíu asuntan la conversación que tuvierin esa nuechi conos sus nietos, los tribilorios mas recientis de la familia qu`hai de solucionar, el casu d`un pacienti complicáu u el cambalear del mundo en general. Hai días enos que no tienin ganas de charrar u están cansos y asiéntanse`n silenciu, ensín l`atangüe de parlar pa jacer el ritual. Saroj Bainji cómese una metá del pomelu y Pal Uncle mangulli la otra.

Día trés día, mes trés mes, añu trés añu, compartierin tolas nuechis un pomelu. Es el momentu mas aseláu del día, meya hora que, depués d`un güén qué d`años, se da por siguru, onqui sea, en tóa manera, un de los ratos mas importantis de la vida cutiana. Enclusen los días que tuvierin una engarra compartin el su pomelu, qu`a minudu val comu descusa pa estorregar esas talangueras de rabia que cuesta tantu quitar.

Pa Saroj Bainji y Pal Uncle el pomelu arrepresenta esi momentu, l`acaecer de cáa día, nel que conectan l`unu col otru. Es el momentu nel qu`ambos son pa dase un aliendu, nel que son p`arreflesionar atentu lo socedíu duranti`l día y asigurase de que l`otru está bien. A hucias d`esi pomelu compartíu sabin cuándu la su vida y la su relación está nun perfeutu socoliñe y cuándu es momentu de conectar consigu mesmu u col otru. Es un momentucu diariu pa tener concencia, y duranti`l cual comprométense de nuéu col su mutúu amor y col atangüe de comunicase, de compartir y d`estar áhi pal otru.

Los rituales minudos comu esti mos dan un espaciu para conectar conas nuestras vidas y conos nuestros seris quisíos.

Mallika Chopra