La zuna

POR CÁA MOJER HAI UN HOMBRI...

Por cáa mojer cansa de tener d`aparentar ajelaura,
hai un hombri que desfruta de protegela asperando sumisión.

Por cáa mojer cansa de tener d`atuar como una tocha,
hai un hombri qu`aparenta sabelo tóu porque esu le da poder.

Por cáa mojer cansa de ser declináa comu "jembra emocional"
hai un hombri qu`aparienta ser juerti y fríu pa caltener los sus privilegios.

Por cáa mojer catalogáa de pocu jemenina cuandu compiti,
hai un hombri al quien no le importa apastrajar al quien sea con tal de ser el primeru.

Por cáa mojer cansa de sentise un ojetu sesual,
hai un hombri que desfruta usando a las mojeris pal su placer.

Por cáa mojer que siéntese amarráa polos sus jí@s,
hai un hombri que desfruta de tiempu libri a la su costa.

Por cáa mojer que no tuvo alcesu a un trebaju u jornal satisfatoriu,
hai un hombri que s`aprovecha del trebaju de baldi jechu ena casa y que no muevi un déu p`arreivindicar la paregualdá de drechos laboralis de la mojer.

Por cáa mojer que desconoz los mecanismos d`un automóvil,
hai un hombri que cuandu allega nel cochi a casa tién mesa y mantel puestu.

Por cáa mojer que da un altrancu cancia la su liberación,
hai un hombri que tién miéu d`esmanar el su lugar privilegiáu anti ella.

Por cáa mojer qu`es víctima de violencia nel llar, hai un hombri que la ejerci y niégalo, apresentándose comu víctima de las "prevocauras" u del "abusu psicológicu" jemeninos y otros hombris a esgaya qu`arrecátanse cancia otru láu nun silenciu cómpliz.

Por cáa mojer que fíase de que los hombris quierin la plena egualdá de drechos, hai cientos d`hombris anjeando que “tóu cambéi un pocu para que tóu siga egual”.

Si queremos que las cosas cambéin y desaparezan las desegualdáes, dejémomos d`autocomplacencias masculinas y asumamos las nuestras arresponsabilidáes.