Trés la desclavitú

El cosmocentrismu de las sociedaes africanas quedó mancáu trés cuatru siglos de desclavitú -no es fácil entender y amezase a la crispación depredaora que s`escarramanó pol continenti-. La solidaridá de los clanes y tribus entró en cris, la rede qu`entarajilaba la vida quedó ibráa y los sus miembros endividuales quedarin al ventistati del nuéu modelu coloñal europeu qu`encetaría a la final del siglu XIX. Movióse a la población, impusierin cultivos de desportación, prisiguierin los cultos sellencos, despropióse la tierra, s`enlegalizó cualisquier criteriu jurídicu tradicional y, en finiquitu, desprecióse`l geniu y los valoris de los vencíos. Triunfó la "pax coloñal". Cuandu los gobiernos europeos marcharin d`África ena sigunda metá del siglu XX, detar suyu quedó un estiel social, cultural y colómicu; a trucu, dejarin un sistema desajenu y unos guardianis del sistema surdíos de la corrumpición. Descelenti escenariu pa la gran tragedia africana.