De cómu nació la moroya del Boscu (y 3)

Naide quisía una vieja, tisnáa y cojitranca mesa ulsáa, en toa manera que la echarin al jateral.

Allí aprendió l`agolor de las flores pochas, los arañatos de los tangues entoñaos y el pular d`un jargón de lana rajáu.

Una pareja alcontró la mesa y apurrióla a la su casa. Ésta era tan chica que tuvierin de cuertale las patas. Comu era l`únicu haberíu que tinían, allí cumían, escribían, rutaban y riían.

La vida y l`azar llevarin a la jía de la pareja a vivir juntana del boscu del serrón.

Allí la mesa golvió a sintir el burbur del oral enti los árbulis y l`agolor de la tierra húmedu y, entós, escomencipiarin a surdir pugucas y depués armuellos. Nacierin tantas quimas y tan jarbosas qu`allegó a confundise col boscu juntanu, ondi apurrióla la jía.

La jía deprendió qu`una presona sola es pa caltener vivu al boscu. Y decidió dejar moroya d`esta hestoria.

Apañó papel y, conos sus pincelis, hezo un libru. A hucias del libru, los sus jíos, nietos y bisnietos sintin El Boscu comu suyu.

De cómu nació la moroya de El Boscu

Rocío Martínez

Edit. FCE Méjicu 2007