Lo que no es sueñu

Déjame parlate, nesta hora
de dolor, con alegris
parabras. Ya se sabi
que l`escuplión, la sangrijuela, l`alicáncanu,
daque vegáa curan. Peru tú oyi, déjame
dicite que, pesi
a tanta vida deplorable, sí,
a pesar y entá agora
qu`estamos en derrota, nunca duendos,
el dolor es la nubi,
l`alegría, la cara.
Qu`el dolor es la miel,
símbolu de Pateta, y l`alegría
es ácera, ensucha, nuéa,
lo únicu que tién
verdaeru sen.
Déjame que, con vieja
sabiduría, diga:
pesi, pesi
a tolos pesaris
y onqui sea mu dolorosa, y onqui
sea de cuandu enmunda, siempri, siempri
la mas jonda verdá es l`alegría.
La que d`un ríu túrbiu
jaz auguas limpios,
la que jaz que te diga
estas parabras tan endinas agora,
la que mos allega comu
allega la nuechi y allega la mañana,
comu allega al sable
la ola:
Enrremeyablementi.

Claudio Rodríguez

"Antología presonal" Colición Visor de Poesía 2000