Postre d`almendras y mayuetas

Ier púseme a jacer un postre ensín receta... surtió estu:

Componencia:
1 litru de lechi enteru (lechi de soja, tamién val)
1 quima de canela
150 gramos d`azúcara de caña
250 gramos d`almendra trizáa u pasáu pol molanchín
300 gramos de mayuetas
Dellas allandas de miérganu negru

Procesu:

Poner nun caciu la lechi, la canela y 125 gramos d`azúcara. Jusllilo y añidir la jarina d`almendra. Regolver bien cincu minutos y desapartar. La salsa que surti, ponémola en tangues u embarnías pa enfriar.

Conas maetas y l`azúcara que quedó, jacemos una mermeláa un pocu líquidu que depués pondremos por cima de la pasta d`almendra. Atabalar con dos allandas de miérganu negru (ráspanos, rangüesas, etc).

Desconozo si ya desistía la receta, peru -y estu es lo qu`importa- está verdaeramenti güena.