Primovel (poema)

Aquí nesti esgonce`l mundu
ondi un sol suavecíu s`estorrega
enti rosas qu`estañan.
Aquí nesti esgonce`l mundu
ondi soñar ensín ambeción
col caldu iviernu.

Y los diosis contemplan.

Esti arrientar de vida qu`invadi la vida
y l`airi
jorrastrando a esta feria de destridencias
y ena su visualidá mora
el don d`un griju y argayea enos sus muérganos
un anjéu d`acaecer y de silenciu.

Náa aquí
qu`arrienti ne
l`aroma tibiu de lo sabiu.
Náa agora
qu`acanci l`impautu fríu de lo bellu
nun güeju ulsando.

Y los diosis contemplan

Aquí nesti esgonce`l mundu
el cíclicu castigu un añu mas pa los otros.
cai segli comu morrina u telón
la blanca
la humana
tediosamenti humana
primovel

José Miguel Arnal
“la lentitú de la desperencia” Edit. Pre-textos Poesía