Entradas
La vida`n nos es comu l`augua nun ríu. Puéi tener llena, aguañu, de mas altor de lo que jasta agora haiga vistu l`hombri, y anagar las altas tierras ataláos. Jasta esti mesmu puéi ser l`añu d`alcordanza qu`ajuegui a tolas nuestras ratas almizcleras. No siempri juerin tierras ensuchos las qu`aguañu moramos. Veo, allá lantón, tierra aentru, las leras que la currienti bañaba n`otros tiempos, enantis que la cencia emprincipiara a enregistrar tolas sus llenas. Tóos ellos sintierin la hestoria que circuló por Nuéa Engalaterra atentu una juerte y guapa chinche que surdió de la jueya ensucha d`una vieja mesa de manzanal qu`estuvo ena cucina d`un paisanu duranti sesenta años, primeru en Connecticut, y depués en Massachusetts, d`un güevu puestu nel árbul vivu años a esgaya enantis, comu surtíu al contraese las capas anulares. Sintiósele royer por dellas seimanas, calentáu, quizáes, por la calor d`un calentaor. ¿Quín no siente enrobráa la su fe nuna resurreción y enmortalidá goyendo estu? ¡Quín sabi qué vida guapa y aláa, cuyu güevu estuvo tapáu duranti siglos en baju dellas capas concéntricas ena muerta y ensucha vida de la sociedá, siendo puestu primeru ena maera del árbul verdi y vivienti -que jue pocapocu convirtiéndose nuna bien solda tumba- y cuyu royer jue quizáes sentíu duranti años pola sorprendía familia del hombri asentáa alredor de la festiva mesa, puéi surdir enasperaamenti del mueble trivial y mas usáu, para gozar, a la final, la su perfeuta vida vraniega!
La luz qu`enciega los nuestros güejos es escuridá pa nos. Sólu albiará`l día pal cual estamos despiertos. Hay días asgaya entá por remanecer. El sol no es mas qu`un luceru del albiar.
Henri David Thoureau
Walden. 1854
4 comentarios:
-Un güen istilu de vida: simplicidá, simplicidá, simplicidá.
-Un güen testu pa que mos aparemos a cudar si mos trae cuenta siguir ena complejidá ¿fiticia? del labarientu nel que vivimos.
-Un güen párrafu, el último, pa rumiar mientris asperamos el nuéu añu amilláos ena lera del llau Walden.
-Un besu güenu.
Estoi leendo atentu "Transition Towns" (Ciudáes de Transición), qu`es una muvición que quier alantase al cambéu por vinir cuandu allegui l`acabación. L`acabación del petróliu.
Es un proyeutu con ciudáes (Totnes, Bristol, Nottingham, ect.)qu`están emplantillando un procesu d`acabildre a una situación que va a allegar en pocas décadas: la final del petróleu. Lo que pa unos es un drama, pa otros es un feliz socedíu.
Cómu de súpitu soframos esti acontecer, es la diferiencia. Creo que Thoureau, y tantos otros, alciertan.
PD. Ya sabis qu`es tradición un bañu marinu hui, y otru mañana....
Besos saláos
De ondi vién esa tradición?
A megudía alcontrémos, nel sable,un hombri, holandés, qui pisculizómos si díbamos a anadar.El, dióse un cole anochi,sigún paez.Hui diba ensuchu No juí pa invistigar náa porque la parlá jué... ¡in English! ¡váe pena!
Era coleicionista de sables. Prestóme la ideya.
Encontóo, ¿no val un pediluviu?
Un besu nuéu
No sé, peru enti los "Cicelianos" es una tradición ponese a moju con cualisquier descusa... ya ves... no esmanamos denguna oportunidá.
Ier la mar estaba bella, hui estaba... divertía, encontóo, el bañu jué mijor el d`hui.
Una genti d`Asturias, anochi, diérinse 13 baños (polas 13 lunas). ¡Almirabli!
¿A qué sable juiste?
Publicar un comentario