Walden de Henri David Thoureau (3)

Sigo col relate del libru de Thoureau, libráu nel añu 1854...

Serraba por riba a lo menos, nel mi móu de vivir, en comparanza con aquellos que`están obligáos, para divertise, a dirigir la su visual cancia juera, cancia la sociedá u el teatru; la mi vida tornose la mi diversión y nunca aparaba de ser nuéa. Era un drama con escenas a esgaya y ensín conclusión. (...) El labarientu domésticu era para mí un soletu pasatiempu. Cuandu el suelu estaba suciu, levantabame trempanu, y, pusiendo tolos mis aparejos juera -el botrón y las cubijas nun bultu atal sobri la herba-, echaba augua nel pisu, despardía sable blancu del lláu, y con un brus daba un fregatu jasta dejalo limpiu y blancu; y cuandu los habitantis del pueblu recién amorzaban, el sol de la mañana ya bía ensugáu la mi casa comu para golver a ponerlo tóu aentru, y la mi meditación cuasi no se interrumpía. Era prestosu ver tolos trastes de la casa ena herba, jormando un burrucu, amejanti al coloñu d`un gitanu, y la mi mesa de tres patas, de la que no movía los libros, la plumas y la tinta, aposáa nel meyu de pinales y cucales. Paecían contentos d`estar al ventistati, y ensén ganas de que los metiesin. Estuvi tentáu daque vegáas de tapalos con un toldu y asentarme allí. Váe alciertu ver brillar el sol por cima d`estas cosas, y sentir sullar el vientu librementi. ¡Cuántu mas interesentis s`atraían esos trastes familiaris ajuera qu`ena casa! Un pájaru aposose enas quimbas vecinas, la siempreviva medra so la mesa, y bardas s`esquilan polas patas; piñas, conchos de castañas y quimbas d`allandas están despardías por acullá. Paecería que d`esi móu esas jormas jueran trespasáas a los nuestros mueblis, a mesa, silla y botrón: porque una vegáa estuvierin en meyu d`ellas.

(...) Estoi contentu de qu`haiga nuéticas. ¡Qu`echin los bujuelos tochos y maniáticos cancia los hombris! Es un son almirablementi sellencu de las llamas y l`acaecer de los boscos, del qu`estielmenti s`escarceará un ejemplu nel día, y sugier una natura grandi y primitiva, que los hombris no descubierin entá. Arrepresentan el lértigu acaecer y los cudares ensatisfechos que tóos ellos tienin. Tol día brilló`l sol sobri l`espeju de daque empalagu salvaji, ondi hai un albetu en solidez atotogáu d`escuyantis mogos llamáos barba de vieju, y tajornas chicas vuelardiellean por cima, y el corru runflea enti las siemprevivas, y abaju cambalean la perdiz y el lapín; pero depués declina un día mas murriu y rigurosu, y un lazu distintu de criaturas despierta para despresar asina el sinificáu de la Natura.

Sigui...