Clarice Lispector

Sólu esu, chuevi y estoi mirando la chuvia. Váe simplicidá. Enjamás creí qu`el mundu y yo allegáramos a esti puntu d`acuerdu, de comparciación. La chuvia cai no porque m`atangüe y yo la miro no porque atangüe d`ella. Peru nos tamos tan juntas comu l`augua de chuvia está ligáu a la chuvia. Y no estoi agradeciendo náa. Si, depués de nacer, no biera tomáu envoluntariamenti y jorzadamenti`l sedu que tomé, yo bría síu siempri lo que rialmenti estoi siendo: una paisana qu`está nun práu ondi chuevi. Ensín desiquiera dar gracias a Dios u la natura. La chuvia tampocu da las gracias. No hai náa qu`agradecer por bese tresformáu n`otra. Soi una mujer, soi una presona, soi una atención, soi un cuerpu mirando pola ventana. Del mismu móu la chuvia no está agradecíu por no ser una piedra. Ella es la chuvia. Egual sea eso lo que se llama estar vivu. Namás qu`estu, sólu estu: vivu. Y sólu vivo d`una alegría duenda.

Destriáu del cuentu "Tanta duendera, en silenciu"

Clarice Lispector