Las ánimas

Comu s`avera, pocu a pocu, la fiesta Tolos Santos; cuntemos la hestoria las ánimas.

Las Ánimas son gentis u pantasmas de muert@s que no tienin el perdón del dios cristianu y que rúan pol mundu escarceando penitencia. Dellas vegáas son pa ganar el perdón a hucias de las misas que pagan las gentis que vein estas parecionis, peru no siempri tienin ganas de salvase...

Las ánimas van en collas, en ringlera. De nuechi y con una vela de borra brancu, qu`en rialidá es un güesu encesu. Van vistíos con un sallalinu de color brancu, bien atotogáu ena capeza.

Es fácil atopalos enos caminos, enas alcuentras y alredor de los cimenterios. Vegáas asgaya, l`atope supón un avisu de muerti, u la mesma muerti a golpis con una quilma de sable que tienin las ánimas.

Enos pueblos desistía la Campana Las Ánimas que tinía de ser tocáa tolos días pa beneficiu Las Ánimas.

Hai hestorias de genti que morrió del sustu trés ver Las Ánimas.