El ti Manolín

No conocí al mi tíu Manuel. No supi d`él jasta la mozandá. Jue entós cuandu sentí la su hestoria, y es que`l mi padri no s`acanza del su jermanu mayor.

Ena nacencia, nacemos con un punteru y un clearón interior, podrá que. El punteru no tién náa escritu, peru col pasu del tiempu, amos escribiendo aconteceris, socedíos, mancauras... Nacemos libris, y mos jacemos -u mos jacin- duend@s.

Magínome que`l tíu Manuel sedría un neñu de la guerra, al simen de l@s demás. Nun pueblu hai tantu p`aprender y tantu pa deprender, que las horas no son enforma. Esquilar a los árbolis, pescar a correr enti los panizos, echar hurrias... Magínome que cuandu atopó aquel bidón de chapapote p`arranchar baches del caminu rial, no vió pirigru dengunu. Esquiló al bidón y cayó drentu...

El tíu Manolín aluchó dos días. Dos días lóndrigos y murrios uyó Manolín en morrer. Hai floris que no dan frutu.

Acancéme de la hestoria del ti Manolín, al quien no conocí peru sí lloré.