El juiciu (4)

-Por favor, siñora fiscal, siga conas pisculizas- colombró`l juez.

-Cona venia. Siñora Colorín, tenga respetu por esti traunal y retruque con seriedá- dijo l`águila negra justu cuandu la colorina saludaba con un viecu a un búu amigu, que recién despertó polas risas- Tamos aquí pa julgar al pecu polos delitos de parricidiu multipli, allanamientu de moráa, abusu de confianza y alevosía. No se da cuenta qu`estuvo criando a un jolasteru que mató a los sus jermanos y túvoles, a usté y al su maríu, nun sen apurriendo cumía pa medrar a la su costa. ¡Menún pájaru!-

El juez miró a l`albogáa defensora asperando una protesta que nunca allegó, peru viose cuertáu pol retruque de la siñora colorín.

-Verdá qu`está guapu y tresnáu. La verdá es qu`está jampudu y juerti. Atráese al su padri.

Un silenciu reinó ena sala mientres tolos presentis miraban al acusáu, un pecu grandi comu una tajorna y, al su padri, un colorín conas patas escolgando de la silla, qu`arzaba la capeza pa mirar al su jíu -que lu sacaba tres cuerpos-

-¡Es cuspíu al su padri!- finó la siñora Colorín.

Un estañíu d`aplausos encetó en parti de la sala y, nun momentu, meya sala manía de pie. Paecía la final d`un partíu de futbol. El corvatu, tapábase conas alas enanque la siñora Colorín lanzaba besos al su guaje. El siñor Colorín estaba jispíu y argullosu. Asina, infláu, paecía un pocu mas grandi.

-Siñora fiscal, siga- grajó`l juez nun momentu que se posaba`l jinglaeru.

-No hai mas pisculizas, siñoría.

-La defensa ¿tién enterrogas?- Siguió`l corvatu.

-No, no hai enterrogas- Retrucó l`albogáa ensín ganas.

-Siñora Colorín, es usté p`anajar d`esti traunal. Gracias.

La Colorina espenzó a abandonar la sala y nun momentu hezo un viecu d`acanzase d`angu y rabeó cancia l`acusáu -el pecu, el su jíu chiquitín-. Púsose a petu y sacó so l`ala tres mosquitos. Apañólos col picu y s`espurrió a güena altor, pa ofrecéselos al chicuzu. El pecu s`ajiebó pa comelos y depués dicir: "¡Mama, cómu m`acanzo de los tus boquiblis!". Un "ooooh" mu grandi anagó la sala mientres el corvatu poinaba`l su picu ena mesa y col ala dábase airi.

Sigui...